ខ្លាញ់ត្រីអាចជួយព្យាបាល ជំងឺបេះដូង
|
|
ការសិក្សាថ្មីមួយលើកឡើងថា អាស៊ីតខ្លាញ Omega-3 ដែលគេរកឃើញនៅក្នុងប្រភេទត្រីមួយចំនួននោះ មិនត្រឹមតែទប់ស្កាត់មិនឱ្យកើតជំងឺសរសៃឈាម និងបេះដូងប៉ុណ្ណោះទេ ប៉ុន្តែ ប្រហែលជាអាចជួយព្យាបាលជំងឺបានទៀតផង ។ ការសិក្សាដែលចុះផ្សាយនៅ ក្នុងច្បាប់ចេញផ្សាយខែសីហារបស់ ទិនានុប្បវត្តិឈ្មោះ American Collegce of Cardiology ទាក់ទងទៅនឹងការ សាកល្បងចំនួន៤លើកលើអ្នកចូលរួម ប្រហែល៤០.០០០នាក់ដែលបង្ហាញ ពីអត្ថប្រយោជន៍របស់អាស៊ីតខ្លាញ់ Omega-3 នៅក្នុងការការពារដំបូងមិនឱ្យកើតជំងឺសរសៃឈាម និង បេះដូង ។
ការសិក្សាបានបង្ហាញថា ពលរដ្ឋដូចជាប្រជាជនអាស៊ី និងប្រជាជន នៅ Alaskan Eskimos ដែលរបបអាហារ របស់ពួកគេសម្បូរដោយខ្លាញ់នោះ មានអត្រាកើតជំងឺសរសៃឈាម និង បេះដូងក្នុងកម្រិតទាប ។
អ្នកនិពន្ធការសិក្សាលោក ខាល ជេ ឡាវី ប្រធានផ្នែកវេជ្ជសាស្ត្រ ទទួលបន្ទុកការទប់ស្កាត់ និងព្យាបាលសរសៃ ឈាមនៅមន្ទីរព្យាបាល Ochsner នៅរដ្ឋ New Orleans បាន និយាយថា ôមនុស្សជាច្រើនដឹងថា អាស៊ីតខ្លាញ់ Omega-3 ជាវត្ថុដ៏មានប្រយោជន៍ ប៉ុន្តែបានគិតថា វាមានប្រយោជន៍នៅក្នុងអាហាររូបត្ថម្ភ និង សុខភាព ។ ទិន្នន័យជាច្រើនបានមកពី ការសិក្សាបង្ហាញថា វាមិនគ្រាន់តែជួយទប់ស្កាត់ប៉ុណ្ណោះទេ ប៉ុន្តែក៏ជួយដល់ ការព្យាបាលសម្រាប់លក្ខខណ្ឌមួយ ចំនួនដូចជា ការកន្ត្រាក់សាច់ដុំ ជំងឺគាំងបេះដូង ការកកសារធាតុខ្លាញ់នៅលើ បំពង់អាទែ និងការខ្សោយបេះដូង ។
សមាគមជំងឺបេះដូងអាមេរិក បានគាំទ្រការទទួលទានអាស៊ីតខ្លាញ Omega-3 ដែលបានមកពីត្រី ឬជាគ្រឿង បន្ថែមដោយណែនាំឱ្យទទួលទាន អាស៊ីតខ្លាញ់ Omega-3 ក្នុងបរិមាណដ៏ ជាក់លាក់រៀងរាល់ថ្ងៃសម្រាប់មនុស្សជា ទូទៅ ដោយការទទួលទានដ៏ច្រើនត្រូវបានណែនាំចំពោះមនុស្សដែលមានជំងឺ បេះដូង ។ ប៉ុន្តែសមាគមនិយាយថា គ្រឿងបន្ថែម Omega-3 គួរទទួលទាន បន្ទាប់ពីពិគ្រោះជាមួយវេជ្ជបណ្ឌិតរួច តែប៉ុណ្ណោះ ពីព្រោះការទទួលទានច្រើន អាចបង្កឱ្យមានការហូរឈាមខ្លាំងនៅ លើមនុស្សមួយចំនួន ។
លោកឡាវីបាននិយាយថា ôសម្រាប់មនុស្សទូទៅ គេគួរទទួលទាន ៥០០មិល្លីក្រាមក្នុងមួយថ្ងៃ ។ ប្រសិន បើអ្នកមានជំងឺបេះដូង គេគួរទទួលទាន ពី៨០០ ឬ ១.០០០ មិល្លីក្រាមក្នុងមួយថ្ងៃ ៕
Filed Under:
យល់ដឹងអំពីបន្លែ-ផ្លែឈើ