ម្ហូបសាច់បើផ្អាប់ជាមួយស្រាបៀរ ឬស្រាក្រហមនឹងជួយឲ្យគេចផុតពីរោគមហារីក
|
|
ទស្សនាវដ្តីវិទ្យាសាស្ត្រឈ្មោះ ញូវសាយអិនទីស ដ៏ល្បីឈ្មោះបានរាយការណ៍ថា អ្នកពិសោធន៍បានណែនាំឲ្យផ្អាប់ជាមួយស្រាក្រហម ឬស្រាបៀរជាមុនសិន ដើម្បីជួយកាត់បន្ថយសារជាតិបង្ករោគមហារីក ដែលកើតមានឡើងក្រោយពេលយកទៅចៀន ឬអាំងនោះ ។ជាធម្មតា សាច់ដែលចៀន ឬអាំងនឹងកើតមានសារជាតិរួមផ្សំមួយ ឈ្មោះហឺថីរ៉ូស៊ីឃ្លីក ដែលបង្ករោគមហារីកកើតមានឡើងក្នុងបរិមាណមួយខ្ពស់បំផុត ។
អ្នកពិសោធន៍នៃសាកលវិទ្យាល័យបឺតូ របស់ប្រទេសអេស្ប៉ាញ បានរាយការជាលទ្ធផលស្រាវជ្រាវនៅក្នុងទស្សនាវដ្តីមួយឈ្មោះ គីមីកសិ នឹងចំណីអាហារថា ប្រសិនបើយកសាច់ទៅផ្អាប់ជាមួយស្រាជាមុន ទុកក្នុងរយៈពេលប្រហែល ៦ ម៉ោងនឹងជួយការពារមិនឲ្យកើតសារជាតិបង្ករោគមហារីក បានដល់ទៅ ៩០ ភាគរយ ។ ប៉ុន្តែប្រសិនបើផ្អាប់ជាមួយស្រាបៀរវិញ ត្រឹមតែរយៈពេល ៤ ម៉ោងក៏គ្រប់គ្រាន់ដែរ ។
អ្នកពិសោធន៍មានជំនឿថា ស្ករដែលបៀមនៅក្នុងស្រាបៀរ និងស្រាក្រហមវាជាអ្នកដើរតួមួយយ៉ាងសំខាន់ដោយវាការពារមឲ្យិឲ្យ ម៉ូលេគីល ដែលអាចរលាយបានដោយសារទឹកនៅក្នុងសាច់ផុសចេញមកនៅលើផ្ទៃសាច់ ដែលក្រោយពេលជួបនឹងកំដៅដ៏ខ្ពស់ វាក៏ក្លាយទៅជាសារជាតិរួមផ្សំ ហឺថីរ៉ូស៊ីឃ្លីក បាន ។
ពួកគេបានប្រាប់បន្ថែមទៀតថា អ្នកដែលធ្លាប់សាកល្បងភ្លក្សសាច់ស្តេក រូបមន្តនេះម្នាក់ៗ បានជាប់ចិត្តចំពោះក្លិនរសជាតិ និងសោភណ្ឌភាពរបស់វាដូចៗគ្នា ៕
Filed Under:
យល់ដឹងអំពីបន្លែ-ផ្លែឈើ