ការទទួលទានដំណេករួមគ្រែតែមួយធ្វើឲ្យមានបញ្ហាដល់ សុខភាព
|
|
ក្រុមអ្នកឯកទេសនិយាយថា ប្តីប្រពន្ធគួរពិចារណាការដេកបែកគ្នា ដើម្បីប្រយោជន៍ល្អដល់សុខភាព និងទំនាក់ទំនងរបស់ពួកគេ ។វេជ្ជបណ្ឌិត ណេល ស្ទែនលី ជាអ្នកឯកទេសផ្នែកដំណេកបានប្រាប់សមាគម British Science Festival ពីរបៀបដែលថា ការរួមដំណេកគ្រែជាមួយគ្នាអាចបង្កឲ្យមានជម្លោះ ដោយសារការដេកស្រមុក ដណ្តើមភួយដណ្តប់តែឯង និងការរំខានដំណេក ។ ការសិក្សាមួយបានរកឃើញថា ជាមធ្យមប្តីប្រពន្ធទទួលរងការរំខានដំណេកច្រើនជាង ៥ ០ភាគរយ ប្រសិនបើពួកគេដេកគ្រែតែមួយ ។
វេជ្ជបណ្ឌិត ស្ទែនលី ដែលដេក បែកពីប្រពន្ធរបស់គាត់បានគូសបញ្ជាក់ថា តាមប្រវត្តិសាស្ត្រ យើងមិនដែលមានបំណងដេកបែកគ្នាទេ ។ លោកបាននិយាយថា ប្រពៃណីទំនើបនៃគ្រែអាពាហ៍ពិពាហ៍បានចាប់ ផ្តើមជាមួយនឹងបដិវត្តន៍ឧស្សាហកម្ម នៅពេលដែលប្រជាជនបានផ្លាស់ទៅរស់នៅក្នុងទីក្រុង និងទីប្រជុំជន ដែលមានមនុស្សកកកុញ ហើយយល់ឃើញថា ខ្វះកន្លែងរស់នៅ ។ មុនសម័យ Victorian វាមិនជារឿងចម្លែកទេសម្រាប់គូភរិយាដែលរៀបការរួចដេកបែកគ្នា ។ នៅក្នុងទីក្រុងរ៉ូមបុរាណ គ្រែអាពាហ៍ពិពាហ៍ គឺជាកន្លែងមួយសម្រាប់រួមរក្ស ប៉ុន្តែមិនមែនសម្រាប់ដេកទេ ។
វេជ្ជបណ្ឌិត ស្ទែនលី ដែលបង្កើតមន្ទីរពិសោធន៍មួយក្នុងចំណោមមន្ទីរពិសោធន៍ពាក់ព័ន្ធដំណេក ឈានមុខគេរបស់អង់គ្លេស នៅសកលវិទ្យាល័យ Surrey បាននិយាយថា មនុស្សសម័យបច្ចុប្បន្នគួរពិចារណាធ្វើដូចគ្នា ។ វាជាអ្វីដែលធ្វើឲ្យអ្នកសប្បាយរីករាយ ។ ប្រសិនបើអ្នករួមដំណេកគ្រែតែមួយ ហើយអ្នកទាំងពីរដេកលក់ស្រួល អ៊ីចឹងមិនចាំបាច់ប្តូរទេ ប៉ុន្តែកុំខ្លាចក្នុងការធ្វើអ្វីឲ្យប្លែកឲ្យសោះ ។ យើងទាំងអស់គ្នាដឹងថា វានឹងទៅជាបែបណា ការដែលឱបថើប ហើយបន្ទាប់មកនិយាយពាក្យថា ខ្ញុំនឹងទៅដេកឥឡូវនេះហើយងើបទៅគ្រែនៅទល់មុខនោះ ។ ដូច្នេះហេតុអ្វីក៏មិនធ្វើដូចជាដើរតតេះតតះចុះជណ្តើរទៅ?
លោកបាននិយាយថា ការដេកមិនគ្រប់គ្រាន់ទាក់ទងទៅនឹងជំងឺខកចិត្ត ជំងឺបេះដូង ជំងឺដាច់សរសៃឈាមក្នុងខួរក្បាល បញ្ហាសួត គ្រោះចរាចរណ៍ និងឧស្សាហកម្ម និងការលែងលះ ទោះបីជាយ៉ាងណាក៏ដោយ ការទទួលទានដំណេកភាគច្រើនមិនត្រូវបានចាត់ថា ជាចំណុចសុខភាពដ៏សំខាន់ទេ ។
វេជ្ជបណ្ឌិត មីដូវស៍ សង្គមវិទូ នៅសកលវិទ្យាល័យ Surrey បាននិយាយថា ôជាការពិតមនុស្សជឿថា ពួកគេទទួលទានដំណេកប្រសើរជាងមុន នៅពេលដែលពួកគេនៅជាមួយដៃគូ ប៉ុន្តែភស្តុតាងលើកឡើងផ្ទុយពីនេះõ ។ លោកបានធ្វើការសិក្សាដើម្បីប្រៀបធៀបថា តើប្តីប្រពន្ធដេកលក់បានល្អប៉ុនណា នៅពេលពួកគេដេកគ្រែតែមួយជាមួយនឹងការដេកបែកគ្នា ។ ដោយផ្អែកលើប្តីប្រពន្ធ ៤០ គូ លោកបានរកឃើញថា នៅពេលប្តីប្រពន្ធដេករួមគ្នាតែមួយ ហើយម្នាក់ក្នុងចំណោមពួកគេ ចាប់ផ្តើមចូលទៅដេកនោះ មានឱកាស៥០ភាគរយដែលថា ដៃគូដែលកំពុងដេកដ៏លង់លក់របស់ពួកគេនឹងត្រូវបានរំខាន ។
បើទោះបីជាបែបនេះក៏ដោយ ប្តីប្រពន្ធមានការស្ទាក់ស្ទើរក្នុងការដេកបែកគ្នា ដោយមានតែ ៨ ភាគរយប៉ុណ្ណោះ នៅក្នុងចំណោមនោះក្នុងវ័យ ៤០ឆ្នាំ និង៥០ឆ្នាំ របស់ពួកគេទទួលទានដំណេកក្នុងបន្ទប់ផ្សេងគ្នា ៕
Filed Under:
សុភាពទូទៅ