អត្ថប្រយោជន៍ដ៏មហាសាលដែលមាននៅក្នុងសារជាតិនៃទឹក ផ្លែឈើ
|
|
ក្រុមអ្នកពិសោធន៍វិទ្យាស្ថានរោគមហារីកជាតិរបស់ប្រទេសអ៊ីតាលី បានថ្លែងប្រាប់ពីលទ្ធផលសិក្សាស្រាវជ្រាវពីក្រុមអ្នកជំងឺកើតរោគ មហារីកថ្លើមចំនួន ១៨៥ នាក់ប្រៀបធៀបជាមួយនឹងក្រុមអ្នកស្ម័គ្រចិត្តដែលមិនកើតរោគមហា រីកចំនួន ៤១២ នាក់រកឃើញថា អាហារដែលមានផលប៉ះពាល់បង្កឲ្យកើតរោគមហារីកថ្លើមជាពិសេសបំផុត បន្លែ និងផ្លែឈើដែលមើលទៅហាក់ដូចជាមានលទ្ធផលល្អក្នុងការ ការពាររោគមហារីកបានយ៉ាងច្បាស់ ។លទ្ធផលស្រាវជ្រាវបានបញ្ជាក់ថា បើកាន់តែទទួលទានអាហារចំរុះច្រើនមុខ ភាពប្រឈមនឹងរោគមហារីកក៏កាន់តែថយចុះទៅតាមនោះដែរ ។ ប្រសើនបើគេញែកបំបែកអាហារមួយប្រភេទៗនោះ គេនឹងឃើញថា ការទទួលទានទឹកដោះគោ និងទឹកដោះគោជូរច្រើនអាចជួយកាត់បន្ថយភាពប្រឈមកើតរោគមហារីកថ្លើម ចុះបាន ៧៨ ភាគរយ ។
រីឯសាច់សត្វប្រភេទត្រីវិញ អាចជួយកាត់បន្ថយភាពប្រឈមបាន ៥៦ ភាគរយ ផ្លែឈើជួយកាត់បន្តថយបាន ៥៧ ភាគរយ និងបន្លែក៏ហុចផលល្អដូចគ្នា តែមិនសូវច្រើននោះទេ ។
ការងារពិសោធន៍លើកនេះមានផលប្រយោជន៍សំរាប់អ្នក កើតរោគរលាកថ្លើមប្រភេទ B និង C ។ ក្រុមអ្នកជំនាញបានណែនាំមនុស្សទូទៅថា អាចចៀសវាងកើតរោគមហារីកថ្លើមបានដោយការទទួលទានអាហារដែលសមរម្យ ហើយសង្កត់ធ្ងន់លើបន្លែ ផ្លើឈើ ។ ក្រៅពីនោះគួរកំណត់ភេសជ្ជៈដែលមានលាយផ្សំជាតិអាល់កុល និងចៀសវាងការឆ្លងមេរោគ រលាកថ្លើមតាមរយៈការរួមភេទ និងមិនប្រើម្ជុលចាក់ថ្នាំរួមគ្នា ៕
Filed Under:
យល់ដឹងអំពីបន្លែ-ផ្លែឈើ