បទចំរៀងអាចជួយពង្រីកសរសៃឈាមបាន
|
|
អ្នកពិសោធន៍ពីសាកលវិទ្យាល័យម៉ារីឡែន សហរដ្ឋអាមេរិកបានរកឃើញក្នុងការស្រាវជ្រាវមួយថា អ្នកជំងឺដែលបានស្តាប់បទចំរៀងខ្លួនឯងពេញចិត្តក្នុងមួយថ្ងៃកន្លះ ម៉ោង ក្រៅពីធ្វើឲ្យសប្បាយចិត្តហើយនោះ ថែមទាំងមានប្រយោជន៍ដល់រាងកាយផងដែរ ព្រោះជួយឲ្យសរសៃឈាមរីកធំបាន ។ការប្រើតន្ត្រីចូលជួយក្នុងការព្យាបាល គេបាននាំគ្នាធ្វើនៅក្នុងសហរដ្ឋអាមេរិកជាច្រើនកន្លែង ហើយអ្នកជំនាញរបស់អង់គ្លេសក៏មានការយល់ស្របក្នុងការងារនេះផងដែរ ។ គេមានជំនឿថា សូរសៀងបទភ្លេងអាចទៅជួយឲ្យយន្តការនៃការបញ្ចេញនីទ្រីតអុកស៊ីត ចូលទៅក្នុងឈាម ដែលជួយការពារមិនឲ្យឈាមកករួមទាំងកូឡេស្តេរ៉ូល ដែលជាគ្រោះភ័យផងដែរ ។ អ្នកវិទ្យាសាស្ត្រធ្លាប់ដឹងរួចមកហើយថា បទចំរៀងរបស់ក្រុមតន្ត្រីរ៉េតហត ឈីល្លី ប៉េបប៉័រ និងម៉ាដូណាជួយបង្កើតភាពលំបាកកាន់តែខ្លាំងឡើងបាន និងបទចំរៀងស៊ីងហ្វូនីសម័យសតវត្សទី ១៨ ក៏មានលទ្ធផលធ្វើឲ្យសមាធិបានប្រសើរឡើង ។ ក្នុងការស្រាវជ្រាវលើកនេះគេបានរកឃើញថា សរសៃឈាមនៅត្រង់ដើមដៃរបស់អ្នកស្ម័គ្រចិត្ត បានពង្រីកខ្លួនឡើង ២៦ ភាគរយ បន្ទាប់ពីបានស្តាប់បទចំរៀងដែលខ្លួនឯងពេញចិត្តកី្ត ក៏ប៉ុន្តែក៏បានបន្ថែមផងដែរថា ការស្តាប់បទចម្រៀងដូចជាពួកចំរៀងហេហ្វីមេតូ និងរ៉េប បែរជាធ្វើឲ្យមានលទ្ធផលសរសៃឈាមរួញតូចវិញបានរហូតដល់ ៦ ភាគរយឯណោះ ។
លោកគ្រូពេទ្យម៉ៃឃើលមីល្ល័រ ជំនួយការមជ្ឈមណ្ឌលការពាររោគបេះដូង សាកលវិទ្យាល័យម៉ារីឡែន ដែលជាអ្នកស្រាវជ្រាវរឿងនេះបានពោលថា ឥទ្ធិពលរបស់តន្ត្រីមានដល់សរសៃឈាម វាមិនអាស្រ័យទៅលើបទចម្រៀងនោះទេ ផ្ទុយទៅវិញជាបទចំរៀងដែលគេពេញចិត្ត ។ ទោះបីជាវាមានលទ្ធផលដែលវាបានសន្សំទុកនោះ មានលទ្ធផលល្អដល់មនុស្សគ្រប់វ័យ ។ លោកបានបង្ហើបថា យើងកំពុងសមឹ្លងរកមើលឧបករណ៍ដែលមិនមែនប្រើឱសថ និងមានតំលៃថោក ដើម្បីមកជួយលើកកំរិតសុខភាពរបស់អ្នកជំងឺ ហើយជឿថា ប្រហែលជាតន្ត្រីនេះហើយ ៕
Filed Under:
សុភាពទូទៅ