ភាពខុសគ្នារវាងការទទួលទានទឹកតែ និងទឹកធម្មតា
|
|
ក្រុមអ្នកជំនាញផ្នែកអាហារព្យាបាលរោគបានណែនាំថា មនុស្សយើងគួរផឹកទឹកតែក្នុងមួយថ្ងៃមិនទាបជាងបីកែវ ព្រោះក្រៅពីផ្តល់ឲ្យនូវគុណប្រយោជន៍ដល់រាងកាយមិនចាញ់ការទទួលទាន ទឹកហើយនោះ ថែមទាំងមានគុណភាពដទៃយ៉ាងពិសេសទៀតផង ។ លទ្ធផលការពិសោធន៍ដែលបានចុះផ្សាយនៅក្នុងទស្សនារដ្តីមួយឈ្មោះ អាហារសាស្ត្រ និងគ្លីនិច បានបដិសេធជំនឿរបស់មនុស្សទូទៅដែលយល់ថា ការទទួលទានទឹកតែធ្វើឲ្យរាងកាយបាត់បង់ជាតិទឹក ។ការពិតទឹកតែមិនផ្តល់ទោសនៅក្នុងរឿងនេះ ប្រហាក់ប្រហែលគ្នាទៅនឹងការទទួលទានទឹកធម្មតាដែល ។ ក្រៅពីនោះវាថែមទាំងជួយការពាររោគបេះដូង និងរោគមហារីកប្រភេទខ្លះទៀតបានទៀតផង ។
អ្នកជំនាញមានជំនឿថា គុណភាពក្នុងរឿងនេះស្ថិតនៅត្រង់សារជាតិហ្លាវ៉ូណយ ដែលជាសារជាតិរួមផ្សំនៅក្នុងរុក្ខជាតិតែ ។ ក្រៅពីនោះសារជាតិប៉ូលីហ្វីណល់ ក៏ជាសារធាតិទប់ស្កាត់ពពួកអង់ទីអុកស៊ីដែន ដែលមាននៅក្នុងអាហារ និងរុក្ខជាតិជាច្រើនយ៉ាង ។ លើសពីនោះទៅទៀតវាជួយរក្សាកោសិកា មិនឲ្យត្រូវបានបំផ្លាញរហូតបែកក្លាយទៅជារោគមហារីកទៀតផង ។
លោកវេជ្ជបណ្ឌិតរ៉ាក់តុនបានយល់ឃើញថា ការទទួលទានទឹកតែល្អជាងទឹកបរិសុទ្ធ ព្រោះទឹកភាគច្រើនចូលទៅសងជំនួសការបាត់បង់សារជាតិរាវនៅក្នុងរាងកាយ ស្របពេលដែលទឹកតែវិញ ក្រៅពីសងជំនួសសារជាតិហើយនោះថែមទាំងអាចទប់ស្កាត់ពពួកអង់ទីអុក ស៊ីដែនបានទៀតផង ៕
Filed Under:
យល់ដឹងអំពីបន្លែ-ផ្លែឈើ