កាហ្វេមានឥទ្ធិពលជួយបំបាត់រោគងងុយដេក
|
|
ក្រុមអ្នកវិទ្យាសាស្ត្រពីសាកលវិទ្យាល័យបច្ចេកវិទ្យាស្វីនបឺន របស់ប្រទេសអូស្ត្រាលីបានធ្វើការអះអាងថា កាហ្វេមានអនុភាពបំបាត់អាការៈងងុយដេកពូកែបំផុត ។ អ្នកវិទ្យាសាស្ត្រពីបន្ទប់ប្រតិបត្តិការខាងសរសៃប្រសាទវិទ្យាសាស្ត្រ បានបង្ហើបឲ្យដឹងថា យើងបានប្រើឧបករណ៍ដែលផលិតឡើងដោយក្រុមអ្នកជំនាញយកទៅវាស់មើលពី អារម្មណ៍ងងុយដេកហើយចាប់យករយៈប្រវែងនៃការប៉ប្រិចភ្នែក ព្រមទាំងស្វែងរកមើលអត្រាចន្លោះពេលវេលាជាមួយនឹងការធ្មេចភ្នែក និងល្បឿននៃការលង់លក់ ។ក្រុមអ្នកពិសោធន៍បានធ្វើទៅលើក្រុម អ្នកស្ម័គ្រចិត្តដែលមានអាយុចាប់ពី ១៨-២៩ ឆ្នាំ ដែលជាក្រុមគោលដៅដ៏ធំមួយរបស់មន្ត្រីសន្តិសុខសុវត្ថិភាពនៅលើដង វិថី ។ អ្នកដែលបានចូលរួមពិសោធន៍ត្រូវគេឲ្យប្រើប្រាស់ថ្នាំបញ្ឆោត ឬវាគ្រាន់តែជា ខេបស៊ូល ដែលមានកាហ្វេអ៊ីន មានបរិមាណស្មើនឹងកាហ្វេ ២ ពែង ។
ការណែនាំសម្រាប់អ្នកបើកបរយានយន្តក្នុងការធ្វើដំណើរជាទូទៅច្រើន ណែនាំពីវិធីបំបាត់អាការៈងងុយដេកដោយប្រើវិធីចតយានយន្តរួចចុះដើរ ឲ្យបានញាប់ ឬក៏ស្វែងរកកន្លែងធ្មេចមួយស្របក់បើពុំនោះទេរកកាហ្វេមកផឹក ។
ចំណែកខាងមន្ត្រីសន្តិសុខក្នុងការងារចរាចរវិញ បានពោលថា គេនៅមានអារម្មណ៍ច្របូកច្របល់ទៅក្នុងរឿងកាហ្វេ ព្រោះច្រើនមានភស្តុតាងដែលខ្វែងគ្នានៅឡើយ ៕
Filed Under:
យល់ដឹងអំពីបន្លែ-ផ្លែឈើ